មេដឹកនាំកងជីវពលដែលគាំទ្រដោយអ៊ីស្រាអែលនៅក្នុងតំបន់ហ្គាហ្សា ត្រូវបានសម្លាប់កាលពីថ្ងៃព្រហស្បតិ៍ទី៤ខែធ្នូ នេះបើយោងតាមប្រព័ន្ធផ្សព្វផ្សាយអ៊ីស្រាអែល។
ប្រភពពីសារព័ត៌មានReuters។
លោក Yasser Abu Shabab ដែលធ្លាប់ធ្វើការសហការជាមួយកងទ័ពអ៊ីស្រាអែល ត្រូវបានសម្លាប់នៅក្នុងការប៉ះទង្គិចគ្នារវាងកុលសម្ព័ន្ធនៅហ្គាហ្សា នេះបើយោងតាមការចុះផ្សាយរបស់ប្រព័ន្ធផ្សព្វផ្សាយសាធារណៈ KAN ដោយដកស្រង់ប្រភពសន្តិសុខអនាមិក។
ប៉ុស្តិ៍ទូរទស្សន៍អ៊ីស្រាអែល i24 បាននិយាយថា លោក Abu Shabab បានស្លាប់ដោយសាររបួសរបស់គាត់នៅមជ្ឈមណ្ឌលវេជ្ជសាស្ត្រ Soroka នៅភាគខាងត្បូងអ៊ីស្រាអែល៕