ប្រធានាធិបតីរុស្ស៊ី លោក វ្លាឌីមៀរ ពូទីន និងនាយករដ្ឋមន្ត្រីឥណ្ឌា នារ៉ិនដ្រា ម៉ូឌី បានចាប់ផ្តើមកិច្ចប្រជុំកំពូលរយៈពេលមួយថ្ងៃនៅរាជធានីនៃប្រទេសឥណ្ឌា ដើម្បីពិភាក្សាអំពីពាណិជ្ជកម្ម និងសន្តិភាព ក្នុងស្ថានភាពដែលប្រទេសអ៊ឺរ៉ុប និងសហរដ្ឋអាមេរិក បានអនុវត្តទណ្ឌកម្ម និងពន្ធគយលើរុស្ស៊ី ដោយផ្តោតទៅលើសង្គ្រាមនៅអ៊ុយក្រែន។
ប្រភពពីសារព័ត៌មានAl Jazeera នៅថ្ងៃទី៥ខែធ្នូ។
កិច្ចប្រជុំកំពូលនេះគឺជាការទស្សនកិច្ចលើកដំបូងរបស់លោកពូទីនទៅកាន់ប្រទេសឥណ្ឌា ចាប់តាំងពីការចាប់ផ្តើមសង្គ្រាមពេញលេញរបស់រុស្ស៊ីលើអ៊ុយក្រែននៅឆ្នាំ ២០២២។ វាបានកើតឡើងក្នុងពេលដែលប្រទេសឥណ្ឌាកំពុងស្វែងរកការលើកលែងពីការដាក់ទណ្ឌកម្មសម្រាប់ការទិញប្រេងរបស់រុស្ស៊ី ពីសហរដ្ឋអាមេរិក។
នៅពិធីទទួលភ្ញៀវនៅវិមានប្រធានាធិបតីឥណ្ឌា Rashtrapati Bhavan លោកម៉ូឌីបានប្រាប់លោកពូទីនថាឥណ្ឌាមិនអព្យាក្រឹតទេ ឥណ្ឌាមានជំហរ ហើយជំហរនោះគឺសម្រាប់សន្តិភាព។ ប្រធានាធិបតីរុស្ស៊ីបានថ្លែងអំណរគុណចំពោះការយកចិត្តទុកដាក់ និងការខិតខំប្រឹងប្រែងរបស់លោកម៉ូឌីក្នុងការដោះស្រាយជម្លោះ៕