នាយករដ្ឋមន្ត្រីជប៉ុន លោកស្រី Takaichi កាលពីថ្ងៃអាទិត្យទៅ៧ខែធ្នូ បានជំរុញឱ្យប្រទេសចិនទប់ស្កាត់ការចាក់សោរ៉ាដា លើយន្តហោះរបស់ជប៉ុន ខណៈដែលប្រទេសទាំងពីរបានធ្វើការអះអាងផ្ទុយគ្នាទាក់ទងនឹងការប៉ះទង្គិចគ្នាថ្មីៗនេះរវាងកងទ័ពរបស់ពួកគេ។
ប្រភពពីសារព័ត៌មានKyodo News។
មុននេះបន្តិច ជប៉ុនបានចោទប្រកាន់យន្តហោះចម្បាំងចិនថាបានតម្រង់រ៉ាដារបស់ពួកគេទៅកាន់យន្តហោះ F-15 របស់ជប៉ុនក្នុងឧប្បត្តិហេតុពីរផ្សេងគ្នាលើដែនទឹកអន្តរជាតិ។
ឧប្បត្តិហេតុទាំងនេះបានកើតឡើងនៅលើដែនទឹកភាគអាគ្នេយ៍នៃកោះអូគីណាវ៉ារបស់ជប៉ុនកាលពីថ្ងៃសៅរ៍ នេះបើយោងតាមរដ្ឋមន្ត្រីក្រសួងការពារជាតិ លោក Shinjiro Koizumi បាននិយាយនៅក្នុងសេចក្តីថ្លែងការណ៍មួយនៅលើក្រុមហ៊ុនប្រព័ន្ធផ្សព្វផ្សាយសង្គមអាមេរិក X។
លោកបាននិយាយថា យន្តហោះ J-15 ដែលបានហោះចេញពីនាវាផ្ទុកយន្តហោះចិន Liaoning បានចាក់សោយន្តហោះយោធាជប៉ុនពីរគ្រឿងម្តងម្កាលក្នុងការប្រយុទ្ធដាច់ដោយឡែកពីគ្នា។
លោក Koizumi បានហៅទង្វើនេះថា «គ្រោះថ្នាក់» ហើយថាទីក្រុងតូក្យូបានដាក់ «ការតវ៉ាយ៉ាងខ្លាំង» ជាមួយទីក្រុងប៉េកាំង។ លោកបានបន្ថែមថា មិនមានការខូចខាត ឬរបួសណាមួយត្រូវបានរាយការណ៍ពីឧប្បត្តិហេតុនោះទេ។
ទន្ទឹមនឹងនេះ លោក Wang Xuemeng អ្នកនាំពាក្យកងទ័ពជើងទឹកនៃកងទ័ពរំដោះប្រជាជនចិន (PLA) បាននិយាយថាយើងទាមទារយ៉ាងម៉ឺងម៉ាត់ឱ្យជប៉ុនបញ្ឈប់ការបង្កាច់បង្ខូច និងការបង្ខូចកេរ្តិ៍ឈ្មោះរបស់ខ្លួនជាបន្ទាន់ ហើយទប់ស្កាត់ប្រតិបត្តិការជួរមុខរបស់ខ្លួនយ៉ាងតឹងរ៉ឹង។
គួរជម្រាបថា ប្រទេសចិនបានរិះគន់យ៉ាងខ្លាំងចំពោះមតិយោបល់ទាំងនោះ ដោយបានជំរុញឱ្យភ្ញៀវទេសចរមិនទៅទស្សនាប្រទេសជប៉ុន ផ្អាកការនាំចូលអាហារសមុទ្រ និងបានពន្យារពេលកិច្ចប្រជុំរដ្ឋមន្ត្រីវប្បធម៌ត្រីភាគីជាមួយប្រទេសជប៉ុន និងកូរ៉េខាងត្បូង៕