អគ្គលេខាធិការអង្គការសហប្រជាជាតិ លោក Antonio Guterres បានសម្ដែងការព្រួយបារម្ភ ពាក់ព័ន្ធជម្លោះប្រដាប់អាវុធរវាងកម្ពុជា.ថៃ។
ដោយលោកជំរុញឱ្យ ប្រទេសទាំង២ រក្សាការអត់ធ្មត់ និងបញ្ចៀសរាល់សកម្មភាពដែលបង្កើនជម្លោះ។
ប្រភពពីសារព័ត៌មានReuters។
កាលពីថ្ងៃចន្ទទី៨ ខែធ្នូ អអ្នកនាំពាក្យប្រមុខUN លោក Stephane Dujarric បាននិយាយថា លោកអគ្គលេខាធិការមានការព្រួយបារម្ភជាខ្លាំងចំពោះ សេចក្ដីរាយការណ៍អំពីការផ្ទុះឡើងជាថ្មីនូវជម្លោះប្រដាប់អាវុធរវាងកម្ពុជា.ថៃ ជាពិសេសជុំវិញសេចក្ដីរាយការណ៍ពីការវាយប្រហារតាមផ្លូវអាកាស និងការចល័តអាវុធធុនធ្ងន់នៅតាមបណ្ដោយ ព្រំដែន។
លោកជំរុញឱ្យភាគីទាំង២រក្សាការអត់ធ្មត់ និងបញ្ចៀសរាល់សកម្មភាពបង្កើនជម្លោះ..!។
លោក Guterres សង្កត់ធ្ងន់ផងដែរថាកម្ពុជា និងថៃ ត្រូវតែការពារជនស៊ីវិល និងសម្រួលដល់ការផ្ដល់ជំនួយមនុស្សធម៌ ។
ក៏ដូចជាប្ដេជ្ញាចិត្តឡើងវិញចំពោះ បទឈប់បាញ់ និងប្រើប្រាស់យន្ដការសន្ទនាដើម្បីស្វែងរកដំណោះស្រាយ៕