កងទ័ពរាជអាវុធហត្ថថៃ បានរាយការណ៍កាលពីថ្ងៃចន្ទថា ទាហានថៃ២នាក់ទៀត បានស្លាប់នៅក្នុងការប៉ះទង្គិចគ្នាជាបន្តបន្ទាប់ នៅតាមព្រំដែនថៃ-កម្ពុជា ដែលនាំឱ្យចំនួនអ្នកស្លាប់សរុប៣នាក់។
ប្រភពពីkhaosod។
ការស្លាប់ចុងក្រោយបំផុត គឺ Pvt. Wayu Khwansue ត្រូវបានបុកដោយភ្លើងឆេះ នៅមូលដ្ឋានប្រតិបត្តិការមួយនៅសុរិន្ទ និង Sgt. Chawakorn Detkhunthod សម្លាប់ដោយការផ្ទុះគ្រាប់បែកនៅក្បែតំបន់ព្រះវិហារ។
ក្រសួងមហាផ្ទៃកម្ពុជា នៅថ្ងៃទី០៩.១២.២០២៥ បានលើកឡើងថា ពលរដ្ឋខ្មែរស្លាប់ចំនួន៧នាក់ និងរបួស២០នាក់ ដោយសារការវាយប្រហារពីសំណាក់ទ័ពថៃ។
ក្រសួងមហាផ្ទៃបន្តថា នៅខេត្តព្រះវិហារ មានប្រជាពលរដ្ឋភៀសសឹកចេញពីឃុំចំនួន៦ នៃស្រុក ជាំក្សាន្ត សរុប១.៤៩១គ្រួសារ ស្មើនឹងមនុស្ស៥.៥៩៧នាក់ បានមកស្នាក់នៅទីតាំងសុវត្ថិភាពរៀបចំដោយ អាជ្ញាធរចំនួន៨កន្លែង។
នៅខេត្តឧត្តរមានជ័យ មានប្រជាពលរដ្ឋ៣.៤៧៨គ្រួសារ ស្មើនឹងមនុស្ស១១.០៦០ នាក់ បានជម្លៀសទៅកាន់ទីតាំងសុវត្ថិភាព ចំនួន៦កន្លែង និងនៅខេត្តបន្ទាយមានជ័យ មានប្រជាពលរដ្ឋ ចំនួន៤.៥៦២នាក់បានជម្លៀសទៅកាន់តំបន់សុវត្ថិភាព និងតាមផ្ទះសំបែងសាច់ញាតិ៕