ក្រុមហាម៉ាស បាននិយាយថាបទឈប់បាញ់មិនអាចបន្តទៅមុខបានទេ ខណៈពេលដែលអ៊ីស្រាអែលនៅតែបន្តរំលោភលើកិច្ចព្រមព្រៀងនេះ ដោយអាជ្ញាធរហ្គាហ្សានិយាយថា បទឈប់បាញ់ត្រូវបានរំលោភយ៉ាងហោចណាស់ ៧៣៨ ដងចាប់តាំងពីចូលជាធរមាននៅក្នុងខែតុលា។
ប្រភពពីសារព័ត៌មានAljazeera។
លោក ហ៊ូសាំ បាដ្រាន (Husam Badran) មន្ត្រីហាម៉ាសម្នាក់ បានអំពាវនាវដល់អ្នកសម្របសម្រួលឱ្យបង្កើនសម្ពាធលើអ៊ីស្រាអែលឱ្យអនុវត្តការប្តេជ្ញាចិត្តដែលមានស្រាប់របស់ខ្លួនឱ្យបានពេញលេញ។
លោក Badran បានមានប្រសាសន៍ថា ដំណាក់កាលបន្ទាប់មិនអាចចាប់ផ្តើមបានទេ ដរាបណាអ៊ីស្រាអែលនៅតែបន្តរំលោភលើកិច្ចព្រមព្រៀង និងគេចវេសពីការប្តេជ្ញាចិត្តរបស់ខ្លួន។
លោកបានបន្ថែមថាក្រុមហាម៉ាសបានស្នើសុំឱ្យអ្នកសម្របសម្រួលដាក់សម្ពាធលើអ៊ីស្រាអែលអោយបញ្ចប់ការអនុវត្តដំណាក់កាលទីមួយ៕