ទីភ្នាក់ងារសារព័ត៌មាន Yonhap ដែលមានមូលដ្ឋាននៅទីក្រុងសេអ៊ូលបានរាយការណ៍នៅពីថ្ងៃពុធទី១០ខែធ្នូ ថា ប្រទេសកូរ៉េខាងត្បូងបានចុះហត្ថលេខាលើកិច្ចព្រមព្រៀងក្របខ័ណ្ឌមួយដើម្បីនាំចេញរថក្រោះចម្បាំង K2 និងរថពាសដែក K808 ទៅកាន់ប្រទេសប៉េរូ។
ប្រភពពីសារព័ត៌មានReuters។
ការចុះហត្ថលេខានេះបានធ្វើឡើងនៅប្រទេសប៉េរូកាលពីថ្ងៃអង្គារ ហើយមានការចូលរួមពីប្រធានាធិបតីប៉េរូ លោក Jose Jeri និងលោក Lee Yong-chul ប្រធានរដ្ឋបាលកម្មវិធីទិញយកការពារជាតិកូរ៉េខាងត្បូង។
យោងតាមកិច្ចព្រមព្រៀងនេះ ក្រុមហ៊ុនការពារជាតិ Hyundai Rotem នឹងសហការជាមួយរោងចក្រផលិតអាវុធ និងគ្រាប់រំសេវកងទ័ពរបស់ប្រទេសប៉េរូ ដើម្បីដឹកជញ្ជូនរថក្រោះ K2 ចំនួន 54 គ្រឿង និងរថពាសដែកកង់ K808 ចំនួន 141 គ្រឿងនៅឆ្នាំក្រោយ នេះបើយោងតាមសេចក្តីថ្លែងការណ៍របស់ការិយាល័យប្រធានាធិបតីដែលដកស្រង់ដោយ Yonhap News។
ប្រធានាធិបតីលោកLee Jae Myung រំពឹងថាកិច្ចព្រមព្រៀងនេះនឹងធ្វើឱ្យប្រសើរឡើងយ៉ាងខ្លាំងនូវកិច្ចសហប្រតិបត្តិការឧស្សាហកម្មការពារជាតិ និងអាវុធរបស់ប្រទេសទាំងពីរ៕