នៅថ្ងៃទី១២ ខែធ្នូ ឆ្នាំ២០២៥ មនុស្សយ៉ាងហោចណាស់ ១៤ នាក់ស្លាប់នៅហ្គាហ្សា ក្នុងរយៈពេល២៤ម៉ោងដោយសារព្យុះ Byron ដែលនាំមកនូវភ្លៀងធ្លាក់ខ្លាំង ខ្យល់បក់មាំ និងទឹកជំនន់ធ្ងន់ធ្ងរ បណ្ដាលឲ្យផ្ទះជាច្រើនដួលរលំ។
ប្រភពពីសារព័ត៌មានAl Jazeera។
ក្នុងចំណោមអ្នកស្លាប់ មានកុមារបីនាក់ដែលបានបាត់បង់ជីវិត ដោយសារការថយចុះកម្តៅ និងស្ថានភាពរស់នៅមិនអាចទ្រាំទ្របាន។
ក្រសួងមហាផ្ទៃ និងសន្តិសុខជាតិប៉ាឡេស្ទីនបានអះអាងថា ផ្ទះចំនួន ១៣ ខ្នងដែលខូចខាតពីសង្គ្រាមមុន បានដួលរលំម្ដងទៀតដោយសារទឹកជំនន់ និងខ្យល់បក់ខ្លាំង។
ក្រុមការពារជនស៊ីវិល និងក្រុមឆ្លើយតបបន្ទាន់កំពុងប្រឹងប្រែងជួយសង្គ្រោះជនរងគ្រោះ ខណៈដែលគ្រួសាររាប់ពាន់ត្រូវបានបង្ខំឱ្យចាកចេញពីជម្រក៕