ជនជាតិប៉ាឡេស្ទីនចំនួន៤នាក់ត្រូវបានសម្លាប់ និងមនុស្សមួយចំនួនទៀតរងរបួសនៅក្នុងការវាយប្រហារតាមអាកាសរបស់អ៊ីស្រាអែលនៅក្នុងទីក្រុងហ្គាហ្សា កាលពីថ្ងៃសៅរ៍ទី១៣ខែធ្នូ ដែលជាការរំលោភបំពានថ្មីមួយលើកិច្ចព្រមព្រៀងឈប់បាញ់។
ប្រភពពីសារព័ត៌មានAANews។
ប្រភពព័ត៌មាននេះបាននិយាយថា ការស្លាប់ទាំងនេះបានកើតឡើងនៅពេលដែលការវាយប្រហារតាមអាកាសបានវាយប្រហាររថយន្តស៊ីវិលមួយគ្រឿងនៅលើផ្លូវឆ្នេរសមុទ្រ Al-Rashid ភាគខាងលិចទីក្រុងហ្គាហ្សា។
កងទ័ពអ៊ីស្រាអែលបានអះអាងថា ការវាយប្រហារនេះសំដៅទៅលើសមាជិកជាន់ខ្ពស់របស់ក្រុមហាម៉ាសគឺលោក Raed Saad នៅក្នុងទីក្រុងហ្គាហ្សា។
គួរជម្រាបថាអ៊ីស្រាអែលបានសម្លាប់មនុស្សជាង ៧០.៣០០ នាក់ ភាគច្រើនជាស្ត្រី និងកុមារ និងធ្វើឱ្យរបួសជាង ១៧១.០០០ នាក់នៅក្នុងការវាយប្រហារនៅហ្គាហ្សាចាប់តាំងពីខែតុលា ឆ្នាំ ២០២៣ ដែលបានបន្តទោះបីជាមានបទឈប់បាញ់ក៏ដោយ៕