យ៉ាងហោចណាស់មានមនុស្ស២នាក់ ក្នុងនោះមានមន្ត្រីប៉ូលីសម្នាក់ ត្រូវបានសម្លាប់នៅក្នុងការវាយប្រហារលើក្រុមប៉ូលីយ៉ូមួយក្រុមនៅក្នុងប្រទេសប៉ាគីស្ថានកាលពីថ្ងៃអង្គារទី១៦ខែធ្នូ។
ប្រភពពីសារព័ត៌មានAANews។
ការវាយប្រហារនេះបានកើតឡើងនៅក្នុងស្រុកបាជួរ នៃខេត្តឃីប៊ឺ-ប៉ាកទុនក្វា (K-P) ដោយបានសម្លាប់មន្ត្រីប៉ូលីសម្នាក់ដែលកំពុងយាមក្រុមប៉ូលីយ៉ូ និងជនស៊ីវិលម្នាក់។
លោក Israr Khan អ្នកនាំពាក្យប៉ូលីសបានប្រាប់កាសែត Dawn ថា មន្ត្រីប៉ូលីស Sajad Ahmed បានស្លាប់បន្ទាប់ពីរងរបួសធ្ងន់ធ្ងរ ខណៈដែលជនស៊ីវិលត្រូវបានបាញ់សម្លាប់ដោយបុរសប្រដាប់អាវុធ នៅពេលដែលគាត់ព្យាយាមដេញតាមអ្នកវាយប្រហារ។
លោក Khan បាននិយាយថា អ្នកវាយប្រហារបានរត់គេចខ្លួន ហើយប៉ូលីសបានចាប់ផ្តើមប្រតិបត្តិការស្វែងរក ដោយបន្ថែមថា គ្មានកម្មករប៉ូលីយ៉ូណាម្នាក់រងរបួសនោះទេ៕