លោក ដូណាល់ ត្រាំ ប្រធានាធិបតីអាមេរិក នៅថ្ងៃសៅរ៍ទី៣ ខែមករា បាននិយាយថា យោធាអាមេរិក គឺបានផ្ដាច់ចរន្តអគ្គិសនីនៅទូទាំងរដ្ឋធានីការ៉ាកាស ដើម្បីចាប់ខ្លួន ប្រធានាធិបតីវ៉េណេស៊ុយអេឡា លោក នីកូឡាស ម៉ាឌូរ៉ូរួមនិងភរិយា។ ប្រភពពីសារព័ត៌មាន AFP។
ថ្លែងក្នុងសន្និសីទសារព័ត៌មានលោក ត្រាំ បានលើកឡើងថា វាជាពេលយប់ងងឹត.ពន្លឺភ្លើងក្នុងទីក្រុងការ៉ាកាស ត្រូវបានបិទមួយផ្នែកធំ ដោយសារជំនាញដ៏ប៉ិនប្រសប់ដែលយើងមាន។
លោកត្រាំ បានបង្ហោះរូបភាពមួយសន្លឹករបស់លោកប្រធានាធិបតី វ៉េណេស៊ុយអេឡា នីកូឡាស់ ម៉ាឌូរ៉ូ ស្ថិតនៅលើនាវាចម្បាំងអាមេរិក USS Iwo Jima។ រូបភាពរបស់លោក ម៉ាឌូរ៉ូ ត្រូវបានបង្ហោះនៅលើគណនីនៃបណ្ដាញទំនាក់ទំនងសង្គម Truth Social។
រូបភាពនេះបានបង្ហាញពីលោក ម៉ាឌូរ៉ូ ពាក់អាវប្រផេះ ជាមួយក្រណាត់ខ្មៅបិទភ្នែករបស់លោក និងដៃកាន់ដបទឹកផងដែរ៕