លោក ដូណាល់ ត្រាំ ប្រធានាធិបតីអាមេរិក បាននិយាយថា លោកមិនជឿទេថា អ៊ុយក្រែនធ្វើការវាយប្រហារទៅលើលំនៅដ្ឋានរបស់លោកប្រធានាធិបតី វ្ល៉ាឌីមៀ ពូទីន ដូចការអះអាងរបស់រុស្ស៊ីនោះឡើយ។
ប្រភពពីសារព័ត៌មាន Reuters។
គួរំលឹកថា ទីក្រុងមូស្គូ បានចោទប្រកាន់ទីក្រុងកៀវ ថា បានព្យាយាមវាយប្រហារលំនៅដ្ឋានលោក ពូទីន ក្នុងតំបន់ Novgorod ភាគខាងជើងប្រទេសរុស្ស៊ី។ដោយប្រេីដ្រូនរយៈចម្ងាយឆ្ងាយចំនួន ៩១គ្រឿង ហើយថារុស្ស៊ី នឹងពិនិត្យឡើងវិញ លេីគោលជំហរចរចារបស់ខ្លួននៅក្នុងកិច្ចពិភាក្សាដែលកំពុងបន្តជាមួយសហរដ្ឋអាមេរិក ស្តីពីការបញ្ចប់សង្គ្រាមអ៊ុយក្រែន។
ក្នុងដំណេីរត្រឡប់ពីរដ្ឋ Florida ទៅកាន់រដ្ឋធានីវ៉ាស៉ីនតោន លោក ត្រាំ បានប្រាប់អ្នកយកព័ត៌មាននៅលេីយន្តហោះ Air Force One យ៉ាងដូច្នេះថា ខ្ញុំមិនជឿថា មានការវាយប្រហារបែបនោះកើតឡើងទេ។
មានរឿងមួយដែលបានកើតឡើងនៅក្បែរនោះ ប៉ុន្តែមិនពាក់ព័ន្ធនឹងរឿងនោះទេ។
អ៊ុយក្រែន និងប្រទេសលោកខាងលិច ក៏បានបដិសេធ នឹងការចោទប្រកាន់របស់រុស្ស៊ីទៀតផង៕