រដ្ឋាភិបាលគុយបា បានអះអាងថាមន្រ្តីយោធា និងប៉ូលីសគុយបាចំនួន ៣២ នាក់ ត្រូវបានសម្លាប់ ក្នុងអំឡុងប្រតិបត្តិការយោធារបស់សហរដ្ឋអាមេរិកនៅប្រទេសវេណេស៊ុយអេឡា កាលពីចុងសប្តាហ៍កន្លងទៅ។ នេះជាលើកដំបូងដែលគុយបាប្រកាសជាផ្លូវការអំពីចំនួនអ្នកស្លាប់ដែលទាក់ទងនឹងការវាយប្រហាររបស់អាមេរិកនៅអាមេរិកខាងត្បូង។
ប្រភពពីសារព័ត៌មានAP នៅថ្ងៃទី៥ខែមករាឆ្នាំ២០២៦។
តាមសេចក្តីថ្លែងការណ៍ដែលផ្សាយតាមទូរទស្សន៍រដ្ឋ គុយបាបញ្ជាក់ថា មន្ត្រីទាំងនោះកំពុងបំពេញបេសកកម្មនៅវេណេស៊ុយអេឡា តាមការស្នើសុំរបស់រដ្ឋាភិបាលក្រុងការ៉ាកាស។ ទោះជាយ៉ាងណា មុខងារពិតប្រាកដរបស់ពួកគេមិនត្រូវបានបញ្ជាក់ច្បាស់ឡើយ ខណៈដែលគុយបាគឺជាសម្ព័ន្ធមិត្តជិតស្និទ្ធរបស់វេណេស៊ុយអេឡា និងបានផ្តល់ជំនួយយោធា និងសន្តិសុខអស់រយៈពេលជាច្រើនឆ្នាំមកហើយ៕