ប្រធានាធិបតីអាមេរិក លោក ដូណាល់ ត្រាំ បានអះអាងថាចំណូលពន្ធគយដែលអាមេរិកកំពុងប្រមូលអាចនឹងលើស ៦០០ពាន់លានដុល្លារ ហើយពន្ធគយទាំងនេះនឹងធ្វើឱ្យវិស័យហិរញ្ញវត្ថុរបស់សហរដ្ឋអាមេរិកកាន់តែរឹងមាំមិនធ្លាប់មានពីមុនមក។
ប្រភពពីសារព័ត៌មានAnadolu។
នៅក្នុងការបង្ហោះមួយលើបណ្ដាញទំនាក់ទំនងសង្គម Truth Social កាលពីថ្ងៃចន្ទ ទី៥ ខែមករា បានគូសបញ្ជាក់ដូច្នេះថា យើងទទួលបានប្រាក់ចំណូលពីការប្រមូលពន្ធគយ លើសពី ៦០០ពាន់លានដុល្លារ។ ប៉ុន្តែបណ្ដាប្រព័ន្ធផ្សព្វផ្សាយព័ត៌មានក្លែងក្លាយមួយចំនួនមិនបានចុះផ្សាយនោះទេ ពីព្រោះពួកគេស្អប់ និងមិនគោរពដល់ប្រទេសរបស់ពួកយើង។
គួរបញ្ជាក់ថា បើតាមទិន្នន័យរបស់ក្រសួងហិរញ្ញវត្ថុអាមេរិក ប្រាក់ចំណូលសរុបបានមកពីការប្រមូលពន្ធគយនៅចន្លោះពីខែមករា ដល់ខែវិច្ឆិកា កាលពីឆ្នាំមុន មានចំនួន ២៣៦.២ពាន់លានដុល្លារ៕