សមាជិកក្រុមប្រឹក្សាសន្តិសុខអង្គការសហប្រជាជាតិ (UNSC) រួមទាំងសម្ព័ន្ធមិត្តសំខាន់ៗរបស់សហរដ្ឋអាមេរិក បានថ្កោលទោសយ៉ាងខ្លាំងចំពោះការចាប់ពង្រត់ប្រធានាធិបតីវេណេស៊ុយអេឡា លោក Nicolás Maduro និងភរិយារបស់លោក ដោយព្រមានថា សកម្មភាពនេះអាចជាគំរូគ្រោះថ្នាក់សម្រាប់ច្បាប់អន្តរជាតិ និងអធិបតេយ្យភាពរដ្ឋ។
ប្រភពពីសារព័ត៌មានAl Jazeera នៅថ្ងៃទី៦ ខែមករា ឆ្នាំ២០២៦។
ក្នុងកិច្ចប្រជុំបន្ទាន់មួយនៅទីស្នាក់ការកណ្តាលអង្គការសហប្រជាជាតិ កាលពីថ្ងៃចន្ទ សមាជិកទាំង ១៥ រូបនៃក្រុមប្រឹក្សាសន្តិសុខបានពិភាក្សាអំពីប្រតិបត្តិការនេះ ខណៈគូស្វាមីភរិយាជនជាតិវេណេស៊ុយអេឡាត្រូវប្រឈមមុខនឹងការចោទប្រកាន់ពីបទជួញដូរគ្រឿងញៀននៅតុលាការសហព័ន្ធអាមេរិក។
កិច្ចប្រជុំបន្ទាន់នេះបានបង្ហាញពីការបែកបាក់យ៉ាងច្បាស់នៅក្នុងសហគមន៍អន្តរជាតិ ចំពោះសកម្មភាពរបស់សហរដ្ឋអាមេរិកផងដែរ៕