រដ្ឋបាលលោក ដូណាល់ ត្រាំ គ្រោងនឹងជួបប្រជុំជាមួយនាយកប្រតិបត្តិក្រុមហ៊ុនប្រេងអាមេរិកនៅចុងសប្តាហ៍នេះ ។
ដើម្បីពិភាក្សាអំពីការបង្កើនការផលិតប្រេងនៅវេណេស៊ុយអេឡា បន្ទាប់ពីកងកម្លាំងអាមេរិក បានចាប់ខ្លួនលោក នីកូឡាស់ ម៉ាឌូរ៉ូ។
ប្រភពពីសារព័ត៌មាន Reuters។
ក្រុមហ៊ុនប្រេងធំៗអាមេរិក ដូចជា Exxon Mobil, ConocoPhillips និង Chevron ត្រឡប់ចូលទៅក្នុងប្រទេសសមាជិក OPEC ដែលមានប្រេងបម្រុងធំជាងគេលើពិភពលោក។
ប្រភពពីឧស្សាហកម្មប្រេង ចំនួនបួនបានបដិសេធការអះអាងរបស់លោក ត្រាំ ដែលថាបានជួបពួកគេរួចហើយ ដោយបញ្ជាក់ថា មកទល់ពេលនេះមិនទាន់មានការពិភាក្សាណាមួយជាមួយសេតវិមានអំពីប្រតិបត្តិការនៅវេណេស៊ុយអេឡានោះទេ។
អ្នកនាំពាក្យសេតវិមាន បានអះអាងថា ក្រុមហ៊ុនប្រេងទាំងអស់ត្រៀមខ្លួនរួចរាល់ហើយក្នុងការវិនិយោគដើម្បីកសាងហេដ្ឋារចនាសម្ព័ន្ធប្រេងឡើងវិញ។
លោក ត្រាំ ថែមទាំងបានបង្ហើបថា អាមេរិកអាចនឹងផ្តល់ការឧបត្ថម្ភធនដល់ក្រុមហ៊ុនទាំងនោះទៀតផង។
យោងតាម CBS News នាយកប្រតិបត្តិក្រុមហ៊ុនទាំងបីត្រូវបាន គេរំពឹងថានឹងជួបជាមួយរដ្ឋមន្ត្រីក្រសួងថាមពល លោក គ្រីស រ៉ាយ (Chris Wright)នៅថ្ងៃព្រហស្បតិ៍សប្ដាហ៍នេះ..!៕