ប្រទេសចិនបានដាក់វិធានការហាមឃាត់ការនាំចេញ របស់របរប្រើប្រាស់ពីរយ៉ាងទៅកាន់ប្រទេសជប៉ុន ចំពេលមានភាពតានតឹងកើនឡើងជុំវិញបញ្ហាតៃវ៉ាន់។
ប្រភពពីសារព័ត៌មានAl Jazeera នៅថ្ងៃទី៧ខែមករាឆ្នាំ២០២៦។
ក្រសួងពាណិជ្ជកម្មចិនអះអាងថា វិធានការនេះមានគោលបំណងការពារសន្តិសុខជាតិ និងរារាំងការនាំចេញទំនិញណាដែលអាចបង្កើនសមត្ថភាពយោធារបស់ជប៉ុន បន្ទាប់ពីចិនចាត់ទុកសេចក្តីថ្លែងការណ៍របស់ជប៉ុនអំពីតៃវ៉ាន់ថាខុសឆ្គង និងគួរឱ្យស្អប់ខ្ពើម។
ខាងជប៉ុនបានប្រតិកម្មយ៉ាងខ្លាំង ដោយអំពាវនាវឱ្យចិនដកវិធានការនេះចេញ ហៅថាមិនអាចទទួលយកបានទាំងស្រុង និងគួរឱ្យសោកស្តាយយ៉ាងខ្លាំងព្រោះមិនស្របតាមអនុវត្តអន្តរជាតិ។ ជម្លោះរវាងប្រទេសទាំងពីរនេះកាន់តែធ្ងន់ធ្ងរ បន្ទាប់ពីនាយករដ្ឋមន្ត្រីជប៉ុនបានបញ្ជាក់ថា ការវាយប្រហាររបស់ចិនលើតៃវ៉ាន់អាចនាំឱ្យជប៉ុនធ្វើអន្តរាគមន៍យោធា ដោយចាត់ទុកថាជាការគំរាមកំហែងដល់សន្តិសុខជាតិរបស់ខ្លួន៕