ក្រសួងការបរទេសអ៊ីតាលី កាលពី(ថ្ងៃទី១៤ខែមករា) បានអំពាវនាវឱ្យពលរដ្ឋខ្លួន ឱ្យចាកចេញពីប្រទេសអ៊ីរ៉ង់ ខណៈស្ថានភាពសន្តិសុខក្នុងប្រទេសនេះមិនល្អ!។
សារព័ត៌មាន Reuters។
រដ្ឋមន្ត្រីការបរទេសលោក Antonio Tajani បានដឹកនាំកិច្ចប្រជុំជាមួយក្រុមឯកអគ្គរដ្ឋទូតអ៊ីតាលី តំណាងក្រសួងការពារជាតិ និងទីភ្នាក់ងារស៊ើបការណ៍។
ក្រសួងការបរទេស ជនជាតិអ៊ីតាលីប្រហែល ៦០០នាក់ កំពុងស្ថិតក្នុងប្រទេសអ៊ីរ៉ង់ ដែលភាគច្រើននៅរដ្ឋធានីតេហេរ៉ង់។
អ៊ីតាលី មានសមាជិកជាង ៩០០នាក់ នៃកងកម្លាំងប្រដាប់អាវុធ នៅក្នុងតំបន់ផងដែរ រួមទាំងបុគ្គលិកប្រហែល៥០០នាក់នៅអ៊ីរ៉ាក់ និង ៤០០នាក់នៅគុយវ៉ែត ជាទីដែលវិធានការណ៍ប្រុងប្រយ័ត្ន កំពុងត្រូវបានអនុម័ត ដើម្បីការពារបុគ្គលិកយោធា។
គួរបញ្ជាក់ថា គិតត្រឹមថ្ងៃទី១៥ ខែមករា ឆ្នាំ២០២៦ ការបង្ក្រាបបាតុកម្មនៅប្រទេសអ៊ីរ៉ង់ ស្លាប់ជិត៣.០០០នាក់ហើយ៕
