ប្រធានាធិបតីស្តីទី ប្រទេសវេណេស៊ុយអេឡា លោកស្រី Delcy Rodriguez បានសន្យាថា រដ្ឋាភិបាលនឹងបន្តដោះលែងអ្នកទោសបន្ថែមទៀត។
ខណៈលោកស្រីបានសន្ទនាតាមទូរស័ព្ទលើកដំបូងជាមួយប្រធានាធិបតីសហរដ្ឋអាមេរិក Donald Trump។
ប្រភពពីសារព័ត៌មានAl Jazeera នៅថ្ងៃទី១៥ខែមករា ឆ្នាំ២០២៦។
ការអភិវឌ្ឍនេះ កើតឡើងបន្ទាប់ពីយោធាអាមេរិកបានវាយប្រហារលើទីក្រុង Caracas និងចាប់ខ្លួនប្រធានាធិបតី Nicolas Maduro និងភរិយារបស់លោក កាលពីដើមខែមករា ។
ដែលនាំឲ្យលោកស្រី Rodriguez ឡើងកាន់តំណែងជាប្រធានាធិបតីបណ្ដោះអាសន្ន។
លោក Trump បានសរសើរលោកស្រី Rodriguez ថា ជាមនុស្សដ៏អស្ចារ្យ ហើយបានបញ្ជាក់ថា ការពិភាក្សារវាងភាគីទាំងពីរបានផ្តោតលើវិស័យប្រេង រ៉ែ ពាណិជ្ជកម្ម និងសន្តិសុខជាតិ ដោយអះអាងថា ទំនាក់ទំនងថ្មីរវាងសហរដ្ឋអាមេរិក និងវេណេស៊ុយអេឡា អាចនាំទៅរកភាពជាដៃគូដ៏ល្អ៕