អាជ្ញាធរអ៊ីរ៉ង់បានអះអាងថា យ៉ាងហោចណាស់មនុស្ស ៣,០០០ នាក់ត្រូវបានចាប់ខ្លួន ក្នុងអំឡុងពេលបាតុកម្មប្រឆាំងរដ្ឋាភិបាល។
ប្រភពពីសារព័ត៌មានAl Jazeera នៅថ្ងៃទី១៧ខែមករា។
រដ្ឋាភិបាលបានរក្សាការកាត់ផ្តាច់អ៊ីនធឺណិតទូទាំងប្រទេសអស់រយៈពេលជាងមួយសប្តាហ៍ ដោយក្រុមត្រួតពិនិត្យ NetBlocks បានបញ្ជាក់ថា ការដាច់អ៊ីនធឺណិតនេះបានឈានដល់ថ្ងៃទីប្រាំបីហើយ។ អ្នកយកព័ត៌មាន Al Jazeera បានរាយការណ៍ថា ប្រជាពលរដ្ឋជាច្រើនមានការថប់បារម្ភអំពីការកើនឡើងវិញនៃភាពចលាចល។
ការតវ៉ាបានផ្ទុះឡើងចាប់តាំងពីចុងខែធ្នូ ដោយសារកំហឹងសាធារណៈចំពោះអតិផរណាខ្ពស់ និងការធ្លាក់ចុះយ៉ាងខ្លាំងនៃរូបិយប័ណ្ណក្នុងស្រុក។ មេដឹកនាំអ៊ីរ៉ង់បានចាត់ទុកអ្នកតវ៉ាថាជាអ្នកបះបោរនិងបានចោទប្រកាន់សហរដ្ឋអាមេរិក និងអ៊ីស្រាអែលថាជាអ្នកជំរុញភាពចលាចល៕