ប្រធានាធិបតីបារាំង លោក Emmanuel Macron បានព្រមានថាបារាំងកំពុងប្រឈមនឹងភ្លើងឆេះព្រៃដ៏ធ្ងន់ធ្ងរ និងមិនធ្លាប់មាន ខណៈអាជ្ញាធរកំពុងបន្តប្រយុទ្ធនឹងភ្លើងនៅតំបន់ Gironde។
ប្រភពពីសារព័ត៌មានAnadolu Agency នៅថ្ងៃទី២៨ខែកក្កដា។
ភ្លើងដែលបានចាប់ផ្តើមកាលពីសប្តាហ៍មុន បានឆេះព្រៃប្រមាណ ៤២,០០០ ហិកតា និងបង្ខំឱ្យប្រជាជនប្រមាណ ២២០,០០០ នាក់ ជម្លៀសចេញពីលំនៅដ្ឋាន។ អ្នកពន្លត់អគ្គិភ័យ ៨៤ នាក់បានរងរបួស ខណៈអ្នកពន្លត់អគ្គិភ័យ ២ នាក់បានស្លាប់ក្នុងពេលបំពេញបេសកកម្ម។
លោក Macron បានអរគុណដល់ក្រុមអ្នកពន្លត់អគ្គិភ័យ និងប្រទេសអឺរ៉ុបដែលបានផ្តល់ជំនួយដល់បារាំង ហើយព្រមានថា ប៉ុន្មានសប្តាហ៍ខាងមុខនឹងនៅតែមានការលំបាក។ លោកក៏បានបញ្ជាក់ថា បារាំងនឹងត្រូវដាំព្រៃឈើឡើងវិញ និងកែប្រែវិធីគ្រប់គ្រងព្រៃឈើ ដើម្បីទប់ទល់នឹងភ្លើងឆេះព្រៃដែលកាន់តែធ្ងន់ធ្ងរឡើង៕
