ប្រធានាធិបតីកូរ៉េខាងត្បូង លោក Lee Jae Myung បានសម្រេចដកបេក្ខភាពរបស់លោក Lee Hye-hoon សម្រាប់តំណែងជារដ្ឋមន្ត្រីក្រសួងថវិកាដែលទើបបង្កើតថ្មី បន្ទាប់ពីមានការចោទប្រកាន់ពាក់ព័ន្ធនឹងការវិនិយោគអចលនទ្រព្យខុសច្បាប់ និងការប្រព្រឹត្តអាក្រក់ចំពោះបុគ្គលិក។
ប្រភពពីសារព័ត៌មានReuters នៅថ្ងៃទី២៥ខែមករា។
លោក Woo Sang-ho លេខាធិការប្រធានាធិបតី បានថ្លែងតាមទូរទស្សន៍ថា បេក្ខភាពរូបនេះមិនបានបំពេញតាមការរំពឹងទុករបស់សាធារណជនឡើយ។ ការដកបេក្ខភាពនេះកើតឡើងបន្ទាប់ពីសវនាការតែងតាំងនៅសភា ដែលក្នុងនោះលោក Lee Hye-hoon បានបដិសេធការចោទប្រកាន់អំពីការទាញយកអត្ថប្រយោជន៍ពីប្រព័ន្ធវិនិយោគអាផាតមិន ប៉ុន្តែបានទទួលស្គាល់ថា ឥរិយាបថរបស់ខ្លួនចំពោះបុគ្គលិកមិនសមរម្យ។
ក្នុងសេចក្តីថ្លែងការណ៍ លោក Lee Hye-hoon បានសុំទោសជាសាធារណៈ ដោយនិយាយថា ពាក្យសម្ដី និងសកម្មភាពមិនទាន់ពេញវ័យរបស់លោកបានបង្កការឈឺចាប់ដល់អ្នកដទៃ ហើយលោកសូមទទួលខុសត្រូវចំពោះករណីនេះ៕