អាជ្ញាធរអាហ្វហ្គានីស្ថានបានឲ្យដឹងថា ព្រិលធ្លាក់ខ្លាំង និងភ្លៀងធ្លាក់ខ្លាំងក្នុងរយៈពេល ៣ ថ្ងៃកន្លងមកនេះ បណ្តាលឲ្យមនុស្សយ៉ាងហោចណាស់៦១នាក់ស្លាប់ និង១១០នាក់រងរបួស នៅក្នុងខេត្តចំនួន ១៥ ទូទាំងប្រទេស។
ប្រភពពីសារព័ត៌មានAPនៅថ្ងៃទី២៥ខែមករា។
យោងតាមលោក Yousaf Hammad អ្នកនាំពាក្យអាជ្ញាធរគ្រប់គ្រងគ្រោះមហន្តរាយជាតិ និយាយថាផ្ទះចំនួន ៤៥៨ ខ្នងត្រូវបានបំផ្លាញទាំងស្រុងហើយសត្វចិញ្ចឹមរាប់រយក្បាលបានងាប់។ លោកបានបញ្ជាក់ថា ចំនួនអ្នកស្លាប់ និងរបួសអាចកើនឡើងបន្ថែមទៀត ខណៈការប្រមូលព័ត៌មានពីតំបន់ដាច់ស្រយាលនៅតែបន្ត។
សូមបញ្ជាក់ថា៖ អាហ្វហ្គានីស្ថានត្រូវបានចាត់ទុកថា ជាប្រទេសងាយរងគ្រោះខ្លាំងចំពោះអាកាសធាតុធ្ងន់ធ្ងរ ដោយព្រឹត្តិការណ៍បែបនេះកើតឡើងញឹកញាប់ និងបណ្តាលឲ្យមានអ្នកស្លាប់ជាច្រើន។ កាលពីឆ្នាំ ២០២៤ ទឹកជំនន់ភ្លាមៗបានសម្លាប់មនុស្សជាង ៣០០ នាក់៕