ប៉ូលីសកូរ៉េខាងត្បូង បានឃាត់ខ្លួនជនសង្ស័យចំនួន៥៥ នាក់ ក្នុងចំណោម ៧៣នាក់ ដែលត្រូវបានបញ្ជូនត្រឡប់មកពីប្រទេសកម្ពុជា កាលពីសប្តាហ៍មុន ពាក់ព័ន្ធនឹង ការសង្ស័យចូលរួមក្នុងបណ្តាញឆបោកតាមអ៊ីនធឺណិត។
ប្រភពពីសារព័ត៌មានReuters នៅថ្ងៃទី២៦ ខែមករា។
អាជ្ញាធរបានឱ្យដឹងថា ជនសង្ស័យទាំងនេះត្រូវបានចោទប្រកាន់ថា បានធ្វើប្រតិបត្តិការឆបោកជនរងគ្រោះជាច្រើននៅកូរ៉េខាងត្បូង ខណៈកំពុងស្ថិតនៅក្នុងប្រទេសកម្ពុជា។
ការឃាត់ខ្លួននេះជាផ្នែកមួយនៃការបង្ក្រាបបណ្តាញឆបោកឆ្លងដែន ដែលកំពុងកើនឡើងក្នុងតំបន់អាស៊ីអាគ្នេយ៍។
ប៉ូលីសបានបញ្ជាក់ថា ការស៊ើបអង្កេតនៅតែបន្ត ហើយអាចមានការចាប់ខ្លួនបន្ថែមទៀត៕