កាលពីថ្ងៃអាទិត្យ ព្យុះរដូវរងាដ៏ធំសម្បើមមួយបានវាយប្រហារទូទាំងសហរដ្ឋអាមេរិក ដោយនាំមកនូវព្រិលធ្លាក់ ភ្លៀងកក និងសីតុណ្ហភាពក្រោមសូន្យ បណ្តាលឱ្យការធ្វើដំណើរតាមអាកាស និងផ្លូវថ្នល់ត្រូវបានរំខានយ៉ាងខ្លាំង។
ប្រភពពីសារព័ត៌មានAP នៅថ្ងៃទី២៦ខែមករា។
ទម្ងន់ទឹកកកបានបណ្តាលឱ្យមែកឈើ និងខ្សែភ្លើងដាច់ ធ្វើឱ្យផ្ទះសម្បែង និងអាជីវកម្មរាប់សែនខ្នងនៅភាគអាគ្នេយ៍គ្មានអគ្គិសនីប្រើប្រាស់។ សេវាអាកាសធាតុជាតិបានព្រមានថា ព្រិល និងទឹកកកអាចបន្តរហូតដល់ថ្ងៃច័ន្ទ មុននឹងមានសីតុណ្ហភាពទាបខ្លាំង ដែលអាចបង្កផលប៉ះពាល់គ្រោះថ្នាក់ដល់ហេដ្ឋារចនាសម្ព័ន្ធ និងការធ្វើដំណើររយៈពេលជាច្រើនថ្ងៃ។
អ្នកឧតុនិយមបានបញ្ជាក់ថា ព្យុះនេះមានអាចពង្រីកទំហំធំជាង 2,000 ម៉ាយ ពី New Mexico និង Texas រហូតដល់ New England៕