មេដឹកនាំកំពូលអ៊ីរ៉ង់ លោក Ayatollah Ali Khamenei បានព្រមានសហរដ្ឋអាមេរិកថា ការវាយប្រហារណាមួយលើអ៊ីរ៉ង់ នឹងនាំឲ្យផ្ទុះសង្គ្រាមក្នុងតំបន់ ខណៈភាពតានតឹងកំពុងកើនឡើងដោយសារសហរដ្ឋអាមេរិកបានបង្កើនកម្លាំងយោធានៅមជ្ឈិមបូព៌ា។
ប្រភពពីសារព័ត៌មានAl Jazeera នៅថ្ងៃទី១ខែមករា។
ក្នុងសុន្ទរកថាមួយនៅទីក្រុងតេអេរ៉ង់ កាលពីថ្ងៃទី 1 ខែកុម្ភៈ ឆ្នាំ 2026 លោក Khamenei អាយុ 86 ឆ្នាំ ដែលកាន់អំណាចអស់រយៈពេលជាង 3 ទសវត្សរ៍ បានអះអាងថា អ៊ីរ៉ង់ត្រៀមខ្លួនរួចជាស្រេចសម្រាប់សង្គ្រាម ហើយបានចោទប្រកាន់សហរដ្ឋអាមេរិកថា មានគោលបំណងដណ្តើមយកធនធានប្រេង និងឧស្ម័នធម្មជាតិរបស់អ៊ីរ៉ង់។
លោកក៏បានពណ៌នាការតវ៉ាប្រឆាំងរដ្ឋាភិបាលថ្មីៗនេះថា ជា “ការបះបោរស្រដៀងនឹងរដ្ឋប្រហារ” ដោយអះអាងថា មានការជ្រៀតជ្រែកពីភ្នាក់ងារបរទេស។ សុន្ទរកថានេះត្រូវបានធ្វើឡើងនៅឱកាសខួបលើកទី 47 នៃបដិវត្តន៍អ៊ីស្លាមឆ្នាំ 1979 ដែលបានបញ្ចប់របបស្ដេច Shah Pahlavi៕