រដ្ឋមន្ត្រីសន្តិសុខជាតិអ៊ីស្រាអែល លោកItamar Ben-Gvir បានច្រានចោលគំនិតបញ្ឈប់ការរុះរើអគារ និងប្រតិបត្តិការយោធានៅភាគខាងត្បូងប្រទេសលីបង់ បន្ទាប់ពីមានការលើកឡើងពីអនុប្រធានាធិបតីអាមេរិក លោកJD Vance អំពីកិច្ចព្រមព្រៀងសន្តិភាពក្នុងតំបន់ដែលអាចរួមបញ្ចូលលីបង់ផងដែរ។
ប្រភពពីសារព័ត៌មានTRT World នៅថ្ងៃទី១៨ខែមិថុនា។
ថ្លែងតាមប៉ុស្តិ៍ Knesset លោក Ben-Gvir បាននិយាយថា អ៊ីស្រាអែលមិនគួរបញ្ឈប់ការរុះរើផ្ទះនៅតំបន់ភាគខាងត្បូងលីបង់ឡើយ ហើយមិនគួរអនុញ្ញាតឱ្យប្រជាជនក្នុងតំបន់នោះត្រឡប់មករស់នៅវិញទេ។ លោកបានអះអាងថា អ៊ីស្រាអែលត្រូវបន្តគ្រប់គ្រងតំបន់នេះ ដើម្បីការពារសន្តិសុខរបស់ខ្លួន។
លោក Ben-Gvir ក៏បានបញ្ជាក់ថា ទោះបីមានភាពខុសគ្នាជាមួយរដ្ឋបាលរបស់ Donald Trump ក៏ដោយ អ៊ីស្រាអែលនៅតែជារដ្ឋឯករាជ្យដែលអាចសម្រេចចិត្តដោយខ្លួនឯង៕
