ទីក្រុង Dnipro របស់ប្រទេសអ៊ុយក្រែន ត្រូវបានវាយប្រហារ ដោយដ្រូនរបស់រុស្ស៊ីលើឡានក្រុងដឹកកម្មកររ៉ែ បណ្ដាលឱ្យមនុស្សយ៉ាងហោចណាស់ ១២នាក់ស្លាប់ និងមនុស្សជាច្រើននាក់ទៀតរងរបួស។
ប្រភពពីសារព័ត៌មានAP នៅថ្ងៃទី១២ខែកុម្ភៈ។
ក្រុមហ៊ុនថាមពល DTEK ដែលជាម្ចាស់ឡានក្រុង បានចោទប្រកាន់រុស្ស៊ីថាបានធ្វើការវាយប្រហារភេរវកម្មទ្រង់ទ្រាយធំលើអណ្តូងរ៉ែរបស់ខ្លួននៅតំបន់ Dnipropetrovsk។ យោងតាមក្រុមហ៊ុន ឡានក្រុងនោះកំពុងដឹកកម្មកររ៉ែត្រឡប់ពីការងារ។
ការវាយប្រហារនេះកើតឡើង ខណៈប្រធានាធិបតី Volodymyr Zelenskyy បានប្រកាសថា កិច្ចចរចាសន្តិភាពជុំបន្ទាប់រវាងអ៊ុយក្រែន និងរុស្ស៊ី នឹងធ្វើឡើងនៅសប្តាហ៍ក្រោយ ទោះបីមានការអះអាងពីភាគីអាមេរិកថា រុស្ស៊ីបានយល់ព្រមបញ្ឈប់ជាបណ្តោះអាសន្នការវាយប្រហារលើទីក្រុងធំៗមួយចំនួនក៏ដោយ៕