អាជ្ញាធរនៅរដ្ឋ Louisianaរបស់សហរដ្ឋអាមេរិក បានចាប់ខ្លួនក្មេងជំទង់២នាក់អាយុ១៩ឆ្នាំនិង១៥ឆ្នាំ ពាក់ព័ន្ធនឹងករណីបាញ់ប្រហារក្នុងអំឡុងក្បួនដង្ហែ Mardi Gras in the Country នៅទីក្រុង Clinton បណ្ដាលឱ្យកុមារអាយុ ៦ ឆ្នាំម្នាក់ និងមនុស្ស ៤ នាក់ទៀតរងរបួស។
ប្រភពពីសារព័ត៌មានAP នៅថ្ងៃទី២ខែកុម្ភៈ។
ជនសង្ស័យទាំងពីរត្រូវបានចោទប្រកាន់ពីបទ ប៉ុនប៉ងឃាតកម្ម, រារាំងយុត្តិធម៌ និង បាញ់កាំភ្លើងដោយមិនប្រុងប្រយ័ត្ន។ អាជ្ញាធរបញ្ជាក់ថា ជនរងគ្រោះទាំងអស់នៅរស់រានមានជីវិត និងមិនមានការផ្លាស់ប្តូរស្ថានភាពសុខភាពថ្មីៗឡើយ។
ករណីនេះបានបង្កឱ្យមានភាពភ័យស្លន់ស្លោក្នុងពេលមានក្បួនដង្ហែ ខណៈដែលមនុស្សជាច្រើនបានរត់រកកន្លែងលាក់ខ្លួន៕