យោងតាមអ្នកការទូតជាន់ខ្ពស់អាមេរិកម្នាក់បានឱ្យដឹងថា នៅវេលាព្រឹកថ្ងៃចន្ទទី២២.០៦.២០២៦នេះគណៈប្រតិភូអ៊ីរ៉ង់ កំពុងមានវត្តមានក្នុងកិច្ចចរចាកម្រិតខ្ពស់រវាងសហរដ្ឋអាមេរិក និងអ៊ីរ៉ង់នៅប្រទេសស្វីស បន្ទាប់ពីភាគីអ៊ីរ៉ង់ ដើរចេញពីតុប្រជុំម្ដង។
សារព័ត៌មានAnadolu។
កិច្ចចរចាបានផ្តោតលើ បញ្ហាបន្ទាន់ជាច្រើនក្នុងតំបន់ និងនុយក្លេអ៊ែរ រួមទាំងសារថ្មីៗរបស់អ៊ីរ៉ង់នៅលើច្រកសមុទ្រ Hormuz។
កិច្ចប្រជុំរួមមាន”ការបញ្ជាក់សារមួយចំនួន ដែលច្របូកច្របល់ពីអ៊ីរ៉ង់លើច្រកសមុទ្រ និងការកសាងយន្តការដោះស្រាយជម្លោះ ដើម្បីធានាថាច្រកសមុទ្រនឹងនៅតែបើកចំហរពេញលេញ” អ្នកការទូតរូបនេះបាននិយាយ។
គណៈប្រតិភូ ក៏បានធ្វើការតាមរយៈ “យន្តការដោះស្រាយជម្លោះ និងការអនុវត្តបទឈប់បាញ់នៅភាគខាងត្បូងប្រទេសលីបង់” អ្នកការទូតរូបនេះបានបន្ថែម។
យោងតាមប្រភពព័ត៌មាន អ្នកចរចាបានរៀបចំ«ការពិភាក្សាយ៉ាងរឹងមាំលើធាតុផ្សំទាំងអស់នៃកិច្ចព្រមព្រៀងនុយក្លេអ៊ែរ»។
ប្រភពព័ត៌មាននេះបាននិយាយថា មន្ត្រីមានគម្រោងបន្ត ធ្វើការដោះស្រាយបញ្ហាទាំងនោះ និងប្រើប្រាស់ការចរចានៅថ្ងៃចន្ទជាមូលដ្ឋានសម្រាប់ការចរចាបច្ចេកទេសបន្ថែមទៀត។
អ្នកការទូតរូបនេះ បាននិយាយថា «យើងមានគម្រោងបន្តធ្វើការដោះស្រាយបញ្ហានីមួយៗទាំងនេះ និងប្រើប្រាស់ការងារថ្ងៃនេះជាចំណុចចាប់ផ្តើមសម្រាប់ការចរចាបច្ចេកទេសដែលកំពុងដំណើរការទៅមុខ»។
ក្រុមសារព័ត៌មាន មិនទាន់ត្រូវបានផ្តល់ព័ត៌មានបន្ថែមអំពីខ្លឹមសារនៃកិច្ចចរចា ឬផែនការរបស់លោក Vance សម្រាប់ថ្ងៃអង្គារនៅឡើយទេ៕
