មន្ត្រីសហរដ្ឋអាមេរិក បានបញ្ជាក់ថា យោធាអាមេរិក បានបាញ់ទម្លាក់ដ្រូនរបស់អ៊ីរ៉ង់មួយគ្រឿង ។
ខណៈវាកំពុងហោះខិតជិតនាវាផ្ទុកយន្តហោះ USS Abraham Lincoln នៅក្នុងសមុទ្រអារ៉ាប់។
ការបាញ់ដ្រូននេះ ធ្វើឡើងនៅថ្ងៃទី 4 ខែកុម្ភៈ ឆ្នាំ 2026 បង្កការព្រួយបារម្ភអំពីភាពតានតឹងកាន់តែខ្លាំងនៅមជ្ឈិមបូព៌ា។
ប្រភពពីសារព័ត៌មាន Reuters នៅថ្ងៃទី៤ខែកុម្ភៈ។
យោងតាមមន្ត្រីការពារជាតិអាមេរិក ដ្រូនដែលត្រូវបានបាញ់ទម្លាក់គឺជាប្រភេទ Shahed-139 របស់អ៊ីរ៉ង់ ហើយត្រូវបានបំផ្លាញដោយយន្តហោះចម្បាំង F-35 របស់សហរដ្ឋអាមេរិក បន្ទាប់ពីវាបានហោះចូលជិតនាវាចម្បាំងអាមេរិកក្នុងលក្ខណៈគំរាមកំហែង។
ឧប្បត្តិហេតុនេះបានកើតឡើងមុនពេលដែលអាចមានកិច្ចចរចានុយក្លេអ៊ែររវាងសហរដ្ឋអាមេរិក និងអ៊ីរ៉ង់ ដែលធ្វើឱ្យបរិយាកាសនយោបាយ និងសន្តិសុខក្នុងតំបន់កាន់តែតានតឹង។ ក្រៅពីនេះ មន្ត្រីអាមេរិកក៏បានរាយការណ៍ថា ទូករបស់អ៊ីរ៉ង់បានរំខាននាវាដឹកប្រេងដែលមានទង់ជាតិអាមេរិក នៅតំបន់ច្រកសមុទ្រសំខាន់មួយផងដែរ៕