អ្នកទូតសហរដ្ឋអាមេរិក និងអ៊ីរ៉ង់ កំពុងឈានចូលដំណាក់កាលដ៏ប្រញាប់ប្រញាល់ ដើម្បីទប់ស្កាត់ការកើនឡើងនៃភាពតានតឹងយោធាឬអត់។
ប្រភពពីសារព័ត៌មានAl Jazeera នៅថ្ងៃទី៤ខែកុម្ភៈ។
មន្ត្រីអ៊ីរ៉ង់ម្នាក់បានបញ្ជាក់ថា ប្រទេសអូម៉ង់ត្រូវបានកំណត់ជាទីតាំង សម្រាប់កិច្ចចរចាជុំបន្ទាប់រវាងអ៊ីរ៉ង់ និងសហរដ្ឋអាមេរិក ដែលគ្រោងធ្វើឡើងនៅចុងសប្តាហ៍នេះ។ ទោះជាយ៉ាងណា ប្រទេសក្នុងតំបន់ផ្សេងទៀតមិនត្រូវបានអញ្ជើញចូលរួមនៅដំណាក់កាលដំបូងនេះទេ។
អ៊ីរ៉ង់អះអាងថា ការមិនរួមបញ្ចូលប្រទេសក្នុងតំបន់មិនមែនជាការបដិសេធទេ ប៉ុន្តែដោយការព្រួយបារម្ភថា អ្នកចូលរួមច្រើនពេកអាចធ្វើឱ្យការចរចាប្រែក្លាយទៅជាការបង្ហាញនយោបាយ ជំនួសឱ្យការពិភាក្សាដែលផ្តោតលើលទ្ធផលជាក់ស្តែង។
ដូច្នេះ អ៊ីរ៉ង់ចង់ឱ្យទម្រង់ចរចាជាមួយសហរដ្ឋអាមេរិកមានស្ថិរភាពជាមុនសិន៕