កាលពីថ្ងៃអាទិត្យ ជនជាតិប៉ាឡេស្ទីន ៣ នាក់ត្រូវបានសម្លាប់ និងម្នាក់ទៀតរងរបួស ដោយការបាញ់ប្រហាររបស់កងទ័ពអ៊ីស្រាអែលនៅតំបន់ហ្គាហ្សា បើទោះបីជាមានកិច្ចព្រមព្រៀងឈប់បាញ់មានសុពលភាពចាប់តាំងពីថ្ងៃទី ១០ ខែតុលាក៏ដោយ នេះបើយោងតាមប្រភពវេជ្ជសាស្ត្រ។
ប្រភពពីសារព័ត៌មានAnadolu Agency នៅថ្ងៃទី៩ខែកុម្ភៈ។
នៅភាគខាងជើងហ្គាហ្សា បុរសអាយុ ៣៣ ឆ្នាំម្នាក់ត្រូវបានសម្លាប់ និងយុវជនអាយុ ១៨ ឆ្នាំម្នាក់រងរបួស បន្ទាប់ពីដ្រូនរបស់អ៊ីស្រាអែលបានផ្ទុះនៅទីក្រុង Beit Lahia។ នៅតំបន់កណ្ដាល និងភាគខាងត្បូងហ្គាហ្សា ក៏មានជនជាតិប៉ាឡេស្ទីនពីរនាក់ទៀតត្រូវបានសម្លាប់ដោយការបាញ់ប្រហាររបស់កងទ័ពអ៊ីស្រាអែលផងដែរ។
អាជ្ញាធរសុខាភិបាលហ្គាហ្សាបានឲ្យដឹងថា ទោះមានបទឈប់បាញ់ក៏ដោយ កងទ័ពអ៊ីស្រាអែលបានបន្តរំលោភលើកិច្ចព្រមព្រៀងនេះ ដោយសម្លាប់ជនជាតិប៉ាឡេស្ទីន ៥៧៦ នាក់ និងធ្វើឱ្យរបួស ១.៥៤៣ នាក់ ចាប់តាំងពីថ្ងៃទី ១០ ខែតុលា៕