កាលពីថ្ងៃចន្ទ អ៊ីស្រាអែល បានវាយប្រហារតាមអាកាស លើភាគខាងត្បូងប្រទេសលីបង់ សម្លាប់មនុស្ស 4 នាក់ នេះបើយោងតាមក្រសួងសុខាភិបាលលីបង់។
ប្រភពពីសារព័ត៌មានAnadolu Agency នៅថ្ងៃទី១០ខែកុម្ភៈ។
យោងតាមសេចក្តីថ្លែងការណ៍ មនុស្សបីនាក់ត្រូវបានសម្លាប់ ក្នុងការវាយប្រហារលើយានយន្តមួយនៅទីក្រុង Yanooh ខណៈជនស៊ីវិលម្នាក់ទៀតត្រូវបានសម្លាប់នៅទីក្រុង Aita al-Shaab។
ប្រព័ន្ធផ្សព្វផ្សាយក្នុងស្រុកក៏បានរាយការណ៍ថា មានការបាញ់គ្រាប់បែកនិងការចាប់ពង្រត់ពលរដ្ឋលីបង់ម្នាក់ដោយកងកម្លាំងអ៊ីស្រាអែលផងដែរ។
នាយករដ្ឋមន្ត្រីលីបង់ លោក Nawaf Salam បានអំពាវនាវឱ្យអង្គការសហប្រជាជាតិចាត់វិធានការបន្ទាន់ ដោយអះអាងថា ការវាយប្រហារទាំងនេះជាការរំលោភលើបទឈប់បាញ់។ មន្ត្រីលីបង់បានបន្តអំពាវនាវឱ្យអ៊ីស្រាអែលបញ្ឈប់ប្រតិបត្តិការយោធា និងដកទ័ពចេញពីតំបន់ដែលខ្លួនកាន់កាប់៕