រដ្ឋមន្ត្រីការបរទេសរុស្ស៊ី លោក សឺហ្គេ ឡាវរ៉ូវ បានអះអាងថា សហរដ្ឋអាមេរិកលែងមានឆន្ទៈក្នុងការអនុវត្តសំណើរបស់ខ្លួនស្តីពីការបញ្ចប់ជម្លោះ នៅអ៊ុយក្រែន។
ប្រភពពីសារព័ត៌មានAnadolu Agency នៅទី១០ ខែកុម្ភៈ។
លោក Lavrov ចោទប្រកាន់សហរដ្ឋអាមេរិកថា បន្តគោលនយោបាយទប់ស្កាត់ និងសម្ពាធសេដ្ឋកិច្ចលើក្រុមហ៊ុនប្រេងធំៗរបស់រុស្ស៊ី និងការដាក់សម្ពាធលើដៃគូដូចជា ឥណ្ឌា និងអឺរ៉ុប ឱ្យកាត់បន្ថយការទិញថាមពលពីរុស្ស៊ី។ លោកក៏ បានអះអាងថា អាមេរិកកំពុងព្យាយាមគ្រប់គ្រងផ្លូវថាមពល និងសេដ្ឋកិច្ចសកល។
រុស្ស៊ីបានបញ្ជាក់ថា ខ្លួនកំពុងស្វែងរកមធ្យោបាយការពារផលប្រយោជន៍ជាតិ ដោយបង្កើតប្រព័ន្ធទូទាត់ជំនួស និងពង្រឹងកិច្ចសហប្រតិបត្តិការជាមួយប្រទេសសមាជិក BRICS៕