មន្ត្រីមូលដ្ឋានលីបង់ បាននិយាយថា យ៉ាងហោចណាស់មនុស្ស៦នាក់បានស្លាប់ និង៧នាក់ផ្សេងទៀតរងរបួស បន្ទាប់ពីអគារពីរ ដែលស្ថិតជាប់គ្នាបានដួលរលំនៅក្នុងសង្កាត់ Bab al-Tabbaneh នៃទីក្រុង Tripoli ភាគខាងជើងប្រទេសលីបង់ កាលពីថ្ងៃអាទិត្យ។
ប្រភពពីសារព័ត៌មានReuters នៅថ្ងៃទី១០ខែកុម្ភៈ។
ប្រធានក្រុមប្រឹក្សាក្រុង Tripoli លោក Abdel Hamid Karimeh បានថ្លែងថា មានមនុស្សជាច្រើននាក់នៅតែជាប់ក្រោមគំនរបាក់បែក ។
ប៉ុន្តែមិនទាន់មានការបញ្ជាក់ច្បាស់អំពីចំនួនអ្នកបាត់ខ្លួននៅឡើយទេ។
ក្រុមជួយសង្គ្រោះកំពុងបន្តប្រតិបត្តិការស្វែងរក និងជួយសង្គ្រោះនៅកន្លែងកើតហេតុ៕