កាលពីថ្ងៃទី 9 ខែកុម្ភៈ ឆ្នាំ 2026 ប្រទេសស៊ុយអែតបានប្រកាសរឹតបន្តឹងច្បាប់ផ្តល់សញ្ជាតិថ្មី ដោយតម្រូវឱ្យអ្នកដាក់ពាក្យសុំរង់ចាំយូរជាងមុន រហូតដល់ ៨ ឆ្នាំ មុនអាចដាក់ពាក្យបាន ព្រមទាំងកំណត់កម្រិតប្រាក់ចំណូលអប្បបរមា និងដាក់ឲ្យឆ្លងកាត់ការសាកល្បងចំណេះដឹងអំពីសង្គម និងវប្បធម៌ស៊ុយអែត។
ប្រភពពីសារព័ត៌មានReuters។
ការផ្លាស់ប្តូរនេះជាផ្នែកមួយនៃគោលនយោបាយរឹតបន្តឹងអន្តោប្រវេសន៍ ដែលរដ្ឋាភិបាលស៊ុយអែតបានអនុវត្តជាបន្តបន្ទាប់ ចាប់តាំងពីឆ្នាំ 2015 បន្ទាប់ពីប្រទេសបានទទួលអ្នកស្វែងរកសិទ្ធិជ្រកកោនប្រហែល 160,000 នាក់។ រដ្ឋាភិបាលនិយាយថា វិធានការថ្មីមានគោលបំណងគ្រប់គ្រងអន្តោប្រវេសន៍ឲ្យមានប្រសិទ្ធភាពជាងមុន៕