ប្រទេសបង់ក្លាដែសកំពុងធ្វើការបោះឆ្នោតលើកដំបូង ចាប់តាំងពីការបះបោរដឹកនាំដោយជំនាន់GenZ នៅឆ្នាំ 2024 ដែលបានផ្តួលរំលំអតីតនាយករដ្ឋមន្ត្រី Sheikh Hasina ដែលត្រូវបានចោទប្រកាន់ពីអំពើពុករលួយ ការបោះឆ្នោតមិនស្មោះត្រង់ និងការបង្ក្រាបយ៉ាងឃោរឃៅលើអ្នកប្រឆាំង។
ប្រភពពីសារព័ត៌មានCNNនៅថ្ងៃទី១០ខែកុម្ភៈ។
ការបះបោររបស់យុវជនបានបង្កឱ្យមានការភ្ញាក់ផ្អើលនៅលើពិភពលោក និងជំរុញចលនាតវ៉ាដឹកនាំដោយយុវជននៅប្រទេសផ្សេងៗ ដូចជា នេប៉ាល់ និងម៉ាដាហ្គាស្ការ។ និស្សិត និងយុវជនជាច្រើនបានលះបង់ជីវិតក្នុងអំឡុងពេលតវ៉ា ដោយមានមនុស្សជាង 1,000 នាក់ត្រូវបានសម្លាប់។
ទោះជាយ៉ាងណា ក្តីសង្ឃឹមរបស់ជំនាន់GenZ ក្នុងការបង្កើតអនាគតនយោបាយថ្មី កំពុងប្រឈមមុខនឹងភាពតឹងរឹង ព្រោះបេក្ខជនឈានមុខគេក្នុងការបោះឆ្នោតគឺជាមនុស្សវ័យចំណាស់មិនឆ្លុះបញ្ចាំងពីគោលគំនិតស្មើភាព និងការកែទម្រង់ដែលយុវជនបានតវ៉ា។
យុវជនជាច្រើនបានសម្តែងការខកចិត្ត ដោយនិយាយថា ទោះបីបដិវត្តន៍បានបង្ហាញអំណាចរបស់ជំនាន់ Z ក៏ដោយ ការផ្លាស់ប្តូរដែលពួកគេស្រមៃចង់បាននៅតែឆ្ងាយពីការពិត៕