អ្នកតាក់តែងច្បាប់សហរដ្ឋអាមេរិកចំនួន៣៧រូបបានផ្ញើលិខិតទៅមន្ត្រីជាន់ខ្ពស់តៃវ៉ាន់ ដើម្បីបង្ហាញក្តីបារម្ភចំពោះការពន្យារពេលអនុម័តថវិកាការពារជាតិបន្ថែម ខណៈពួកគេព្រមានថាការគំរាមកំហែងពីចិនកំពុងកើនឡើងខ្លាំង។
ប្រភពពីសារព័ត៌មានReutersនៅថ្ងៃទី១៣ខែកុម្ភៈ។
ប្រធានាធិបតី Lai Ching-te បានស្នើថវិកាការពារជាតិបន្ថែមចំនួន ៤០ ពាន់លានដុល្លារ កាលពីឆ្នាំមុន ដើម្បីពង្រឹងសមត្ថភាពការពារកោះតៃវ៉ាន់។ ទោះយ៉ាងណា សភាដែលគ្រប់គ្រងដោយគណបក្សប្រឆាំង បានរារាំងសំណើនេះ និងជំរុញផែនការជំនួសដែលមានតម្លៃទាបជាង។
សហរដ្ឋអាមេរិកជាអ្នកផ្គត់ផ្គង់អាវុធសំខាន់បំផុតរបស់តៃវ៉ាន់ ហើយការអនុម័តថវិកាបន្ថែមត្រូវបានគេមើលឃើញថាមានសារៈសំខាន់ក្នុងការពង្រឹងសមត្ថភាពការពារខ្លួនរបស់កោះនេះ ចំពេលភាពតានតឹងនៅតំបន់អាស៊ីប៉ាស៊ីហ្វិកកំពុងកើនឡើង៕