ចំនួនអ្នកស្លាប់ដោយសារព្យុះស៊ីក្លូនGezani នៅទីក្រុងToamasina របស់ប្រទេសម៉ាដាហ្គាស្ការ បានកើនឡើងដល់៣៨នាក់ ខណៈមនុស្សជាង ១២.០០០ នាក់ត្រូវបានផ្លាស់ទីលំនៅ និងយ៉ាងហោចណាស់ ៣៧៤ នាក់រងរបួស។
ប្រភពពីសារព័ត៌មានAl jazeeraនៅថ្ងៃទី១៣ខែកុម្ភៈ។
ព្យុះនេះបានបោកបក់ចូលទីក្រុង Toamasina កាលពីថ្ងៃអង្គារ ដោយនាំមកនូវខ្យល់បក់ល្បឿនដល់ ២៥០ គីឡូម៉ែត្រក្នុងមួយម៉ោង បំផ្លិចបំផ្លាញផ្ទះសម្បែង និងហេដ្ឋារចនាសម្ព័ន្ធយ៉ាងធ្ងន់ធ្ងរ។ អាជ្ញាធរបានឱ្យដឹងថា ផ្ទះជាង ១៨.០០០ ខ្នងត្រូវបានបំផ្លាញ ខណៈជាង ៥០.០០០ ខ្នងផ្សេងទៀតរងការខូចខាត ឬលិចទឹក។ ការស្លាប់ភាគច្រើនបណ្តាលមកពីអគារដួលរលំ និងការពុំមានជម្រករឹងមាំគ្រប់គ្រាន់។
មេដឹកនាំប្រទេស Madagascar លោក Michael Randrianirina បានប្រកាសគ្រោះមហន្តរាយជាតិ និងអំពាវនាវសុំសាមគ្គីភាពអន្តរជាតិ ដោយបញ្ជាក់ថា ប្រហែល ៧៥ ភាគរយនៃទីក្រុង Toamasina និងតំបន់ជុំវិញ ត្រូវបានបំផ្លិចបំផ្លាញ៕