នៅថ្ងៃសៅរ៍ទី១៥ខែកុម្ភៈ សាច់ញាតិ របស់ អ្នកទោស នយោបាយ នៅក្នុង ប្រទេសវេណេស៊ុយអេឡា ចាប់ផ្តើមធ្វើកូដកម្មអត់អាហារ នៅខាងក្រៅមណ្ឌលប៉ូលីសជាតិ Zona 7 ក្នុងទីក្រុង Caracas ដើម្បីទាមទារឱ្យអាជ្ញាធរអនុវត្តច្បាប់លើកលែងទោសដែលបានសន្យា។
ប្រភពពីសារព័ត៌មានAFP។
ការតវ៉ានេះកើតឡើងខណៈការចរចាពាក់ព័ន្ធនឹងច្បាប់លើកលែងទោសនៅតែអូសបន្លាយ។ ច្បាប់នេះត្រូវបានដាក់ជាចំណុចកណ្តាលនៃកំណែទម្រង់របស់ប្រធានាធិបតីស្តីទី Delcy Rodríguez បន្ទាប់ពីមេដឹកនាំលោកNicolás Maduro ត្រូវបានចាប់ខ្លួនកាលពីថ្ងៃទី ៣ ខែមករា។ទោះបីមានការសន្យាដោះលែងអ្នកទោសយ៉ាងច្រើននៅថ្ងៃទី ៨ ខែមករាក៏ដោយ ការអនុវត្តនៅតែយឺតយ៉ាវ ដោយមានការដោះលែងតែបន្តិចម្តងៗ បណ្ដាលឱ្យគ្រួសារជាច្រើនបន្តបោះជំរុំរង់ចាំខាងក្រៅពន្ធនាគារ៕