ក្រុមប្រឹក្សាសន្តិសុខនៃអង្គការសហប្រជាជាតិ បានចេញសេចក្តីថ្លែងការណ៍ថ្កោលទោសអ៊ីស្រាអែល ដែលបានវាយប្រហារលើកងកម្លាំងរក្សាសន្តិភាពរបស់UNIFILនៅប្រទេសលីបង់ កាលពីចុងខែមីនា។ ការវាយប្រហារនេះបានបណ្ដាលឱ្យកងកម្លាំងរក្សាសន្តិភាពជនជាតិឥណ្ឌូនេស៊ីចំនួន៣នាក់ស្លាប់ និងមនុស្ស៥នាក់ផ្សេងទៀតរងរបួស។
ប្រភពពីសារព័ត៌មានAnadolu Agency នៅថ្ងៃទី២ខែមេសា។
ក្នុងសេចក្តីថ្លែងការណ៍ សមាជិកក្រុមប្រឹក្សាសន្តិសុខបានសម្ដែងការសោកស្តាយយ៉ាងខ្លាំង និងចូលរួមរំលែកទុក្ខចំពោះគ្រួសារជនរងគ្រោះ និងរដ្ឋាភិបាលឥណ្ឌូនេស៊ី។ ពួកគេក៏បានជូនពរឱ្យអ្នករងរបួសឆាប់ជាសះស្បើយ និងគោរពចំពោះការលះបង់របស់កងកម្លាំងរក្សាសន្តិភាពដែលបានបំពេញភារកិច្ចក្នុងការរក្សាសន្តិភាពអន្តរជាតិ។
ក្រុមប្រឹក្សាបានអំពាវនាវឱ្យភាគីទាំងអស់គោរពសុវត្ថិភាព និងសេរីភាពនៃការធ្វើដំណើររបស់កងកម្លាំង UNIFIL និងជៀសវាងសកម្មភាពណាមួយដែលអាចបង្កគ្រោះថ្នាក់ដល់ពួកគេ៕