នៅថ្ងៃទី១៧ ខែកុម្ភៈ ឆ្នាំ២០២៦ កិច្ចពិភាក្សាសន្តិភាពដែលសម្របសម្រួលដោយសហរដ្ឋអាមេរិក រវាងតំណាង រុស្ស៊ី និង អ៊ុយក្រែន បានចាប់ផ្តើមនៅទីក្រុងហ្សឺណែវនៃប្រទេសស្វីស មុនខួបលើកទី៤ នៃការឈ្លានពានទ្រង់ទ្រាយធំរបស់រុស្ស៊ីលើអ៊ុយក្រែន។ កិច្ចចរចានេះមានរយៈពេលពីរថ្ងៃ ខណៈស្ថានភាពយោធានៅលើដី និងតាមអាកាសនៅតែតានតឹងខ្លាំង។
ប្រភពពីសារព័ត៌មានAl Jazeera។
មុនពេលកិច្ចពិភាក្សាចាប់ផ្តើម រុស្ស៊ីបានបើកការវាយប្រហារដោយមីស៊ីល និងដ្រូនទៅលើគោលដៅជាច្រើននៅទូទាំងអ៊ុយក្រែន ខណៈអាជ្ញាធរអ៊ុយក្រែនអះអាងថា ការវាយប្រហារនេះបណ្តាលឲ្យខូចខាតហេដ្ឋារចនាសម្ព័ន្ធ និងគ្រោះថ្នាក់ដល់ប្រជាពលរដ្ឋ។ នៅភាគីរុស្ស៊ីវិញ ក្រសួងការពារជាតិបានរាយការណ៍ថា បានបាញ់ទម្លាក់ដ្រូនអ៊ុយក្រែនរាប់សិបគ្រឿងក្នុងរយៈពេលមួយយប់៕