នៅថ្ងៃទី19 ខែកុម្ភៈ ឆ្នាំ2026 នាយកប្រតិបត្តិក្រុមហ៊ុន Meta លោក Mark Zuckerberg បានផ្តល់សក្ខីកម្មនៅតុលាការជាន់ខ្ពស់ក្នុងទីក្រុង Los Angeles ដោយបដិសេធការចោទប្រកាន់ថា Instagram ត្រូវបានរចនាឡើងដោយចេតនា ដើម្បីបង្កការញៀនក្នុងចំណោមអ្នកប្រើប្រាស់វ័យក្មេង និងប៉ះពាល់ដល់សុខភាពផ្លូវចិត្តរបស់កុមារ។
ប្រភពពីសារព័ត៌មានAnadolu Agency។
ក្នុងសវនាការដែលផ្តោតលើសុវត្ថិភាពកុមារ លោក Zuckerberg បានបញ្ជាក់ថា ក្រុមហ៊ុនផ្តោតលើការកសាងសហគមន៍ដែលមាននិរន្តរភាពមិនមែនលើការបង្កើនពេលវេលាប្រើប្រាស់ដោយបង្កគ្រោះថ្នាក់ទេ។ លោកបានអះអាងថា ប្រសិនបើមាតិកាឬផលិតផលណាមួយមិនល្អសម្រាប់អ្នកប្រើប្រាស់ ពួកគេនឹងមិនបន្តប្រើប្រាស់វាយូរអង្វែងឡើយ៕