នៅថ្ងៃទី20 ខែកុម្ភៈ ឆ្នាំ2026 ប្រទេសយ៉ាងហោចណាស់ ៥ បានសន្យាបញ្ជូនកងទ័ពចូលរួមក្នុងកម្លាំងស្ថិរភាពអន្តរជាតិ (ISF) សម្រាប់តំបន់ហ្គាហ្សា ក្រោមគំនិតផ្តួចផ្តើមរបស់ក្រុមប្រឹក្សាសន្តិភាពដែលគាំទ្រដោយប្រធានាធិបតីអាមេរិក លោកDonald Trump។
ប្រភពពីសារព័ត៌មានAl Jazeera។
ឧត្តមសេនីយ៍អាមេរិក Jasper Jeffers ដែលត្រូវបានតែងតាំងជាមេបញ្ជាការកម្លាំងស្ថិរភាពហ្គាហ្សា បានប្រកាសក្នុងកិច្ចប្រជុំថា កងទ័ពមកពីឥណ្ឌូណេស៊ី នឹងកាន់តំណែងជាមេបញ្ជាការរង។ ប្រធានាធិបតីឥណ្ឌូនេស៊ី Prabowo Subianto បញ្ជាក់ថា ការចូលរួមនេះមានគោលបំណងធានាសន្តិភាព និងគោរពច្បាប់អន្តរជាតិ។
ក្រៅពីឥណ្ឌូនេស៊ី ប្រទេសកាហ្សាក់ស្ថាន ម៉ារ៉ុក កូសូវ៉ូ និងអាល់បានីក៏បានប្រកាសចូលរួមផងដែរ។ ខណៈនេះអេហ្ស៊ីបនិងហ្សកដានី នឹងផ្តល់ការបណ្តុះបណ្តាលដល់មន្ត្រីប៉ូលីសប៉ាឡេស្ទីន៕