ពាណិជ្ជកម្មសកលកំពុងឈានចូលដំណាក់កាលផ្លាស់ប្តូរថ្មី ខណៈសម្ព័ន្ធមិត្តសហរដ្ឋអាមេរិកកំពុងព្យាយាមកាត់បន្ថយហានិភ័យពីទីក្រុងវ៉ាស៊ីនតោន ដែលត្រូវបានមើលឃើញថាក្លាយជាប្រភពអស្ថិរភាពសេដ្ឋកិច្ចកាន់តែច្រើន។
ប្រភពពីសារព័ត៌មានReuter នៅថ្ងៃទី២៦ខែកុម្ភៈ។
តាមការវិភាគ អាមេរិកដែលធ្លាប់ត្រូវបានចាត់ទុកថាជាគ្រឹះស្ថានស្ថិរភាពនៃប្រព័ន្ធពាណិជ្ជកម្មសកល កំពុងបង្កើនការប្រើវិធានការពាណិជ្ជកម្មការពារ និងគោលនយោបាយឧស្សាហកម្មក្នុងស្រុក។ ការផ្លាស់ប្តូរនេះជំរុញឱ្យប្រទេសជាសម្ព័ន្ធមិត្ត ពិសេសនៅអឺរ៉ុប និងអាស៊ី ព្យាយាមបង្រួមការពឹងផ្អែកលើទីផ្សារអាមេរិក និងពង្រីកដៃគូពាណិជ្ជកម្មជាមួយតំបន់ផ្សេងៗ។
សម្រាប់ប្រទេសចិន ការផ្លាស់ប្តូរនេះបង្កើតទាំងឱកាស និងបញ្ហាប្រឈម ដោយបើកផ្លូវឱ្យប៉េកាំងពង្រឹងតួនាទីក្នុងខ្សែសង្វាក់ផ្គត់ផ្គង់សកល ប៉ុន្តែក៏បន្តជួបសម្ពាធពីវិធានការរឹតបន្តឹងបច្ចេកវិទ្យា និងពន្ធគយ។ ខណៈអឺរ៉ុបកំពុងស្វែងរកយុទ្ធសាស្ត្រ “de-risking” ដើម្បីកាត់បន្ថយហានិភ័យទាំងពីរពីអាមេរិក និងចិន៕