អ៊ីរ៉ង់បានចោទប្រកាន់ប្រទេសមួយចំនួននៅតំបន់ឈូងសមុទ្រ ថាបានជួយសហរដ្ឋអាមេរិកក្នុងការវាយប្រហារលើអ៊ីរ៉ង់ ដោយអនុញ្ញាតឱ្យកងកម្លាំងអាមេរិកប្រើប្រាស់ទឹកដីរបស់ពួកគេ។
ប្រភពពីសារព័ត៌មានTRT World នៅថ្ងៃទី២៧ខែកក្កដា។
អ្នកនាំពាក្យក្រសួងការបរទេសអ៊ីរ៉ង់បាននិយាយថា អ៊ីរ៉ង់ចាត់ទុកអាមេរិកជាអ្នកទទួលខុសត្រូវចំពោះការវាយប្រហារ ប៉ុន្តែអ៊ីរ៉ង់មិនចង់មានជម្លោះជាមួយប្រទេសជិតខាងទេ ហើយនៅតែចង់រក្សាទំនាក់ទំនងល្អជាមួយប្រទេសក្នុងតំបន់។
ទន្ទឹមនឹងនេះ ប្រទេសនៅតំបន់ឈូងសមុទ្របានបដិសេធថា ពួកគេមិនបានចូលរួមជួយអាមេរិកវាយប្រហារអ៊ីរ៉ង់ឡើយ ហើយបានចោទប្រកាន់អ៊ីរ៉ង់វិញថា បានវាយប្រហារលើហេដ្ឋារចនាសម្ព័ន្ធស៊ីវិលនៅក្នុងប្រទេសរបស់ពួកគេ៕
