នៅថ្ងៃទី២៧ ខែកុម្ភៈ ឆ្នាំ២០២៦ ប្រធានាធិបតីវេណេស៊ុយអេឡា លោកNicolas Maduro ដែលកំពុងជាប់ឃុំខ្លួននៅសហរដ្ឋអាមេរិក បានស្នើសុំចៅក្រមសហព័ន្ធឱ្យលុបចោលការចោទប្រកាន់ពីបទជួញដូរគ្រឿងញៀន ដោយអះអាងថា រដ្ឋាភិបាលវ៉ាស៊ីនតោនបានរារាំងមូលនិធិសម្រាប់ការការពារផ្នែកច្បាប់ រួមទាំងថ្លៃសេវាមេធាវីរបស់លោក និងភរិយា។
ប្រភពពីសារព័ត៌មានAl Jazeera។
ក្នុងឯកសារដាក់ជូនតុលាការនៅ Manhattan មេធាវីការពារក្តី លោកBarry Pollack បានលើកឡើងថា ការរារាំងមូលនិធិនេះបានជ្រៀតជ្រែកសិទ្ធិរបស់លោក Maduro ក្រោមវិសោធនកម្មទីប្រាំមួយនៃរដ្ឋធម្មនុញ្ញសហរដ្ឋអាមេរិក ដែលធានាសិទ្ធិមានមេធាវីតាមជម្រើសផ្ទាល់ខ្លួន។ ដោយសារតែការរំលោភសិទ្ធិនេះ ក្រុមមេធាវីអះអាងថា តុលាការគួរលុបចោលសំណុំរឿងទាំងមូល៕