អ៊ីស្រាអែល បាននិយាយនៅថ្ងៃសៅរ៍ទី២៨ ខែកុម្ភៈ ឆ្នាំ២០២៦ថា ខ្លួនបានបើកការវាយប្រហារតាមអាកាស”បង្ការ” លើគោលដៅនានា នៅក្នុងប្រទេសអ៊ីរ៉ង់។
ដែលបង្កឱ្យមានការភ័យខ្លាច នៃជម្លោះកាន់តែទូលំទូលាយ នៅក្នុងតំបន់ដែលសម្បូរប្រេង។
សារព័ត៌មាន bloomberg។
សារព័ត៌មាន Fars បាននិយាយថា ការផ្ទុះធំៗចំនួនបី ត្រូវបានគេឮនៅកណ្តាលទីក្រុងតេអេរ៉ង់ ។
ដោយបន្ថែមថា មីស៊ីលជាច្រើនទំនងជាបានវាយប្រហាររដ្ឋធានី។
ផ្សែងក្រាស់ត្រូវបានគេមើលឃើញថាកំពុងហុយឡើងនៅក្នុងតំបន់ខ្លះនៃរដ្ឋធានី នេះបើយោងតាមការរាយការណ៍របស់ទូរទស្សន៍រដ្ឋអ៊ីរ៉ង់។
សារព័ត៌មាន Associated Press បាននិយាយថា ការវាយប្រហារមួយបានកើតឡើងនៅជិតការិយាល័យរបស់មេដឹកនាំកំពូលអ៊ីរ៉ង់ លោក Ali Khamenei។
រដ្ឋមន្ត្រីការពារជាតិអ៊ីស្រាអែល លោក Israel Katz បានប្រកាសពីភាពអាសន្ន នៅពេលដែល លោកបានប្រកាសពីការវាយប្រហារ ។
ហើយបាននិយាយថា ប្រទេសនេះរំពឹងថានឹងស្ថិតនៅក្រោមការ វាយប្រហារដោយយន្តហោះគ្មានមនុស្សបើក និងមីស៊ីលនាពេលអនាគតដ៏ខ្លីខាងមុខ។
យោងតាមកងកម្លាំងការពារជាតិអ៊ីស្រាអែល សំឡេងស៊ីរ៉ែនត្រូវបានបន្លឺឡើងទូទាំងប្រទេស។
ប្រជាពលរដ្ឋត្រូវបានណែនាំឱ្យស្នាក់នៅក្បែរជម្រក ហើយដែនអាកាសរបស់ប្រទេសត្រូវបានបិទសម្រាប់ចរាចរណ៍ស៊ីវិល។
កងកម្លាំងប្រដាប់អាវុធ ក៏បានចេញគោលការណ៍ណែនាំ ដែលរួមមានការហាមឃាត់សកម្មភាពមិនចាំបាច់ដូចជាការអប់រំ និងការជួបជុំសង្គម៕