កាលពីថ្ងៃទី២៧ ខែកុម្ភៈ ឆ្នាំ២០២៦ អ៊ុយក្រែនបានអះអាងថា ខ្លួនបានដណ្តើមយកទឹកដីវិញប្រហែល ៣០០–៤០០ គីឡូម៉ែត្រការ៉េនៅភាគខាងត្បូងប្រទេស ក្នុងអំឡុងខែមករា និងកុម្ភៈ ខណៈសង្គ្រាមជាមួយរុស្ស៊ីឈានចូលឆ្នាំទីប្រាំ។
ប្រភពពីសារព័ត៌មានAl Jazeera។
ប្រធានាធិបតី Volodymyr Zelenskyy បានប្រាប់ថា កងកម្លាំងអ៊ុយក្រែនកំពុងបន្តរឹតត្បិតតំបន់សំខាន់ៗ ហើយបញ្ជាក់ថាមិនអាចនិយាយថាយើងកំពុងចាញ់សង្គ្រាមបានទេ។ មេបញ្ជាការកងទ័ព Oleksandr Syrskyi ក៏បានបញ្ជាក់ថា ការវាយបកនេះបានកើតឡើងចាប់ពីចុងខែមករា។
អ៊ុយក្រែនក៏បានរាយការណ៍ថា ការការពារដែនអាកាសមានភាពប្រសើរឡើង បើទោះបីរុស្ស៊ីបន្តវាយប្រហារដោយមីស៊ីល និងដ្រូនលើទីក្រុងគៀវក៏ដោយ៕